16 gazteko saldo batek ikastola ützi bazüan igan bedatsean kolegiolat joaiteko, aurten 9 haurrek haien sartzea egin düe. Eperra ikastolan kopürüak egonkor badira ere, urtez urte demografiaren apaltzea senditzen da beste eskoletan bezala.

Bestalde ekipa pedagogiko berri batekin abiatzen da ikasturtea, Annie Aguer andereñoak Xiberoko ikastoletan igaran ebilbide lüze baten ondotik erretreta hartü beitü. Kattin Galant Barkoxtarrak dü erreleboa hartüko, bai Eperra ikastolan bai eta ere Basabürüko ikastolan.

Hiru urtekal Sohütako ikastolak xede berezi bat eramaiten dü ikasleekilan. Igan urtetik Eüskal herria eta eüskal herritarren ezagütza süstatzen dütü. Hartako igan urtean Nafarroa deskubritü bazüen ikasleek, aurten Bizkaia eta Arabako bazterrak, ekonomia, eüskalkia eta üsantxak ezagütüko dütüe.