Laborantxako CAOSO kooperatibak osagarri honean ospatü dütü bere 80 urteak. Iragan ostiralean beterik zen Gamia ostatüan egin dü bere biltzar nagusia 150 bat kideren presentziarekin. Düala 80 urte ardi ile salmentarentako sortü zen kooperatiba, 70. hamarkadaz geroz merkatü hori apaltzez joan delarik. Aurten sail horren garatzeko langile bat hartü düe.

Axuria prezio arras honean saldü züen iragan urtean, eta Españan süstut. Horri esker laborarier sos haborokin bat emanik izan zaie, eta sos parte bat ere baztertü düe zer hel ere ezbehar bat agitzen bada erreserba baten ükeiteko gisan.

Horiek hola oraiko egünean CAOSO kooperatibak 360 laborari kide edo parteliant dütü, 7 langile eta urtean 6.6 milio euroko salmentak bürütü dütü.