Xede nausietan, Mauleko plazan aterbü baten egitera aipatürik izan da, Mauleko ospitalea Baionakoarekin lotzea, edo ere finantzen sanotzea.
Hen ustez ere eüskarari behar düan leküa eman behar zaio, nahiz eta Maulen eüskaldünak minoritate bat diren, berezitarzün hau biziaraztea ezinbestekoa dela dioie.
Hortaz gain jadanik martxan diren Eüskal müseoa eta espartinaren interpretazio günearen beharra azpimarratzen düe, jenteen jinarazteko, lürraldearen erakargarritarzünarentako beharrezkoa beita hen arabera.

Ez bada ofiziala ere segürre Maulen azken 3 hauteskundetan bezala beste bi zerrenda aurkeztüko dira, Louis Labadot-k komünistekin aurkeztü gei düala erran beiteikü. Aldiz düdak badira etiketa gabeko hirugarren zerrendarik badateküan eta ea Mixel Etxebest-ek düanez eramnen azken hauteskundetan bezala.
Dena den zerrenden aurkezteko denbora bada, hau egiten ahal beita barantailaren 26a arte.