Artetxen Bekat’uros LGBT festibaletik, komünitatearen üngürüko erakuska bat bada. Hontan Alain Girodik bere argazkiak erakusten dütü eta Nabarrenkoxeko Calypso Debrot artistaren bideoak, müral bat eta banderolak ikusgei dira Dom Campistronen testuek lagüntürik.

Üda hontako Boris Achour artistari konfientxa egin düe beste 12 artistekin artearen transmizionearen üngürüan hausnarketa bat eramaiteko. Entzünezko erakuska bat date.
Kaskoetan entzüten ahalko dütützüe jente zonbaiten kontakizünak maitatü düen obra bati bürüz. Hartako züen lekükotarzünak biltzen dütüe maiatzaren 31a arte idaztez : borisachour@gmail.com edo contact@artetxe.eus helbidetarat.

Bestalde, arramaiatzaren 21an müsikaren bestaren kari, Xavier Boussiron eta Txaptraxen kontzertüak dütüketzüe Artetxen berean.