SHEIN, TEMU edo orano PRIMARK markek hedabideen lehen orrialdeak üsü egiten dütüe ekologikoki eta etikoki arrenküragarri beitira. Erran behar da Frantzian bataz beste 10 kilo arropa erosten dütügüla urtean eta mündü mailan kozadüraren %8-a industria hortarik horra dela. Gizarte arrenküra horren aitzinean bigarren esküko saltegiek arrakasta geroz eta haboro düe eta zalhe Xiberoan bat badükegü ere.

Ohartürik gure kaminetetan arropa, pantalu edo artor franko ez dütügüla baliatzen edo orano haurren arropak gainezka dütügüla gure etxeetan, bigarren bizi bat eman nahi zeien Maitena Oihenartek. Bizi berri "dépot-vente" delako baten gisan ebiliko da. Bakotxak 15 artikülü maximoz ekarten ahal dütü, salgei izanen dira bi hilabetez eta ondotik saldürik diratekinaren sos parte bat biltzen ahalko da. Baratzen dena etxeat arrekarten edo elkarteer emaiten ahalko zaie.

Jakin leheneko Tanocuir saltegian zabaltüko dela Bizi Berria barantailaren 12an. Jadanik hitzordü hartzen ahal düzüe Maitenarekin züen arropen pausatzeko biziberri.secondemain@gmail.com helbidilat idaztez edo bere sare sozialetan mezü baten igortez.