Muskildiko Azkorria gaznakagiak 20 urte ospatüko dütü ürrietaren 17an. Mauleko gaznakagiarekilako ezadostarzünengatik 17 laborarik beren kooperatibaren sortzea deliberatü züen 1999an. Lehen gaznak haatik 2006eko urtarrilan egin zütüen, denboran 3 langile zirelarik.

Oraiko egünean 100 tona gazna egiten dütüe Ossau-Iraty sormarkan 16 laborari eta 6 langileekin. Horietaz gain 3 sasolari hartzen dütüe eta orano 7 lagüntzale ere ari dira lan ezbardinetan.

Azken urteetan 4/5 etxalteren transmisioekin belaunaldi berritze bat abiatü bada, orano beste gazte zonbaiten sartzeko xedearekin dira.

20 urteen ospatzeko goizanko 9 orenetarik goiti leküko mozkinen merkatüa badate, prezio apalagoekin, 12:30tan züntzür bustitzea eta ondotik bazkaria. Bazkariarentako aitzinetik izenaren emaitea galteginik da 05.59.28.17.16 zenbakiala deitzez.