Bordaleko auzitegian egin helegitea baztetürik izan da eta ordin Miarritzeko herriko etxeak gogoz kontre izen arrazista kanbiatü beharko dü. G7 denboran alkarte zonbaitek eztabaida piztü züen kartiel historiko honen izenaren üngürüan. Hospitaleko peko Robert Elizondo Ikerzaleak alkarteko historialariak hontan parte hartü dü.

San Domingo ügartealat fortüna egitea jün ziren ipar eüskal herritar franko eta hantik sartü zirenak emazte eta haurrekin jin ziren. Pista hatsarre bat balin bada, artxiboetan zokokatüz, Gerard Rodriguesen ebilbidea deskubritü düe. Miarritzeko mariñelak fortüna egin züan kortsario gisa eta Herausta izeneko etxea erosi züan. 40 urte berantago Negresse etxe izenarekin deitürik atzaman düe artxiboetan.