Larrainen Ximun Accoceberry aüzapez berria arra abiatzen da.

Iragan agorrilan bilakatü zen aüzapeza Jean Do Iriart mera zentü zelarik. Oposiziotik ez denez ihor ere presentatü gei, aüzapeza izaten jarraiki behar lüke.

Iragan kargüaldiko xede nausiak eskolaren üngürüan izan dira; izan eraikina normetan jartea eta eskolaren handitzea, haurtzaintegiaren bermatzea egün hatsarre eta ürrentzean, baita 'murgiltze' sistemaren plantan jartea. Ama eskolan jadanik kausitü badüe, dagün setemeko CP heinean %80an eüskaraz egiteko galtoa egin düe.

Bortüaren aldetik bide betoatzeaz gain 3 hur sistema ere plantan jarri dütüe. Bestalde Xiberoko Sindikatarekin auzi bat irabazi badüe, ez da ürrentürik Botingoak dei egin beitü.