Astelehena
2026ko urtarilaren 19a
Ozaze, Zalgize, Mendikota eta Iruriko gazteak botitü dira 15 astebürüz Xiberoko herrietan kurritzeko. Urtarilaren 18an lehen emanaldia züen Ozazeko plazan eta jente saldo handia hüllantü da haien ikusteko.
Zümatzeko maskadakariak santzatü dira aroaren aldetik, ebi txortarik gabe haien joküa Ozazeko plazan eman beitüe. Kerestu kargüetan, beltzerian bena ere xorrotxen joküan kanbiamenak ekarri dütüe eta püblikoak zinez preziatü dütü. Aktüalitatea jorratzeko maneran ere haien ikusmoldea jakinarazi düe maskadakariek : izan Xiberoko berrietan edo orano Trumpen balentriak aipatzean, frantses gobernamentüaren gorabehetan eta palestindarren zanpatzea salhatzean. Dagün hitzordüa emaiten düe Ainharben urtarilaren 25an.
